ಪತ್ರವ್ಯವಹಾರ, ಇ-ಮೇಲ್, ಫೋನ್ ಸಂಭಾಷಣೆ ಸೇರಿದಂತೆ ಸಾಕಷ್ಟು ಸಂವಹನ ವ್ಯವಸ್ಥೆಯನ್ನು ನುಂಗಿ ನೀರು ಕುಡಿದಿದ್ದು ಅಂದ್ರೆ ವಾಟ್ಸಪ್ ಹಾಗೂ ಟೆಲಿಗ್ರಾಂ. ಒಂದು ಸಂದೇಶ ಹಾಕಿ ತಮ್ಮ ಕೆಲಸ ಕಾರ್ಯಗಳನ್ನು ಮಾಡುವಂತಾಗಿದೆ. ಇದೀಗ ವಾಟ್ಸಪ್ ಹಾಗೂ ಟೆಲಿಗ್ರಾಂ ಆ್ಯಪ್ಗೆ ಕೇಂದ್ರ ಸರ್ಕಾರ ಹೊಸ ನಿಯಮವೊಂದನ್ನು ಜಾರಿ ಮಾಡುತ್ತಿದೆ. ಈ ನಿಯಮ ಸಾಕಷ್ಟು ಜನರ ವಾಟ್ಸಪ್ ಹಾಗೂ ಟೆಲಿಗ್ರಾಂ ಆ್ಯಪ್ ಬಳಕೆಯನ್ನೇ ಸ್ಥಗಿತ ಮಾಡುತ್ತದೆ.
ಬಹುತೇಕ ಮಂದಿ ವಾಟ್ಸಪ್ ಬಳಕೆಗೆ ಒಂದು ಮೊಬೈಲ್ ನಂಬರ್ ತೆಗೆದುಕೊಂಡಿರ್ತಾರೆ. ಒಮ್ಮೆ ಆ ನಂಬರ್ನಲ್ಲಿ ವಾಟ್ಸಪ್ ಸೇರಿದಂತೆ ಇತರೆ ಮೆಸೇಂಜಿಂಗ್ ಆ್ಯಪ್ ಹಾಕಿಕೊಂಡು ರಿಜಿಸ್ಟರ್ ಮಾಡ್ತಾರೆ. ಆ ಬಳಿಕ ಆ ಮೊಬೈಲ್ ನಂಬರ್ ಬಳಕೆಯನ್ನೇ ಮಾಡದೆ, ರೀಚಾರ್ಜ್ ಕೂಡ ಮಾಡದೆ ಹಾಗೆ ಬಿಟ್ಟಿರುತ್ತಾರೆ. ಅದು ಮೂರ್ನಾಲ್ಕು ತಿಂಗಳಲ್ಲಿ ಡೆಡ್ ಆಗುತ್ತದೆ. ಆದರೂ ಮೆಸೇಜ್ ಆ್ಯಪ್ ಮಾತ್ರ ಅದೇ ನಂಬರ್ನಲ್ಲಿ ಕಂಟಿನ್ಯೂ ಆಗಿರುತ್ತದೆ. ಆದರೆ ಜನವರಿ 1, 2027ರಿಂದ ರೀಚಾರ್ಜ್ ಮಾಡಿಸದೆ ಡೆಡ್ ಸಿಮ್ ನಂಬರ್ ಎಲ್ಲವೂ ಬಂದ್ ಆಗಲಿದೆ. ಮೊಬೈಲ್ ನಂಬರ್ ಒಮ್ಮೆ ಖರೀದಿ ಮಾಡಿ ವಾಟ್ಸಪ್, ಟೆಲಿಗ್ರಾಂ ಕನೆಕ್ಟ್ ಮಾಡಿಕೊಂಡು ಸಿಮ್ ಆಕ್ಟೀವ್ ಇರಿಸಿಕೊಳ್ಳದ ಸಿಮ್ಗಳು ಕೆಲಸ ಕಾರ್ಯ ನಿಲ್ಲಿಸುತ್ತವೆ.
ಕೇಂದ್ರ ಸರ್ಕಾರ ಆನ್ಲೈನ್ ಫ್ರಾಡ್ಗಳನ್ನು ನಿಲ್ಲಿಸೋಕೆ ಮಹತ್ವದ ಕ್ರಮ ಕೈಗೊಂಡಿದ್ದು, ಅದರಲ್ಲಿ ಡೆಡ್ ಸಿಮ್ಗಳ ನಂಬರ್ ಬಳಸಿ ವಾಟ್ಸಪ್, ಟೆಲಿಗ್ರಾಂ ಬಳಕೆ ಮಾಡುವುದು, ಅದರಿಂದ ಮೆಸೇಜ್ ಕಳುಹಿಸಿ ದೋಖಾ ಮಾಡುವುದನ್ನು ತಡೆಯುವ ಕೆಲಸ ಮಾಡುತ್ತಿದೆ. ಯಾವ ಸಿಮ್ನಲ್ಲಿ KYC ಅಪ್ಡೇಟ್ ಆಗಿರುತ್ತದೆಯೋ ಆ ಸಿಮ್ಗಳು ಮಾತ್ರ ಕೆಲಸ ಮಾಡಲಿವೆ. ನೀವು ಬಳಸುತ್ತಿರುವ ಸಿಮ್ನಲ್ಲೇ ವಾಟ್ಸಪ್ ಕೂಡ ಆಗಿದ್ದರೆ ಯಾವುದೇ ಸಮಸ್ಯೆ ಇಲ್ಲ.
ಇಂಡಿಯಾ ಮೊಬೈಲ್ ನಂಬರ್ ಬಳಸಿಕೊಂಡು ಅಪರಾಧ ಕೃತ್ಯ ಮಾಡುವುದನ್ನು ತಡೆಯಲು ಕೇಂದ್ರ ಸರ್ಕಾರದ ಟೆಲಿಕಾಂ ಡಿಪಾರ್ಟ್ಮೆಂಟ್ ಮುಂದಾಗಿದ್ದು, ಮೊಬೈಲ್ನಲ್ಲಿ ಹಾಕಿರುವ ಸಿಮ್ನಲ್ಲೇ ವಾಟ್ಸಪ್, ಟೆಲಿಗ್ರಾಂ ಸೇರಿದಂತೆ ಮೆಸೇಜ್ ಆ್ಯಪ್ ಆಗಿ ಬಳಕೆ ಮಾಡಬೇಕು. ಅದನ್ನು ಬಿಟ್ಟು ಸಿಮ್ ಇಲ್ಲದೆ ಬಳಸುವ ವಾಟ್ಸಪ್ ಸೇರಿದಂತೆ ಮೆಸೇಜ್ ಆ್ಯಪ್ಗಳು ಅಪ್ಡೇಟ್ ಆಗಲು ಡಿಸೆಂಬರ್ 31 ಕೊನೇ ದಿನವಾಗಿದೆ. ನಿಮ್ಮ ವಾಟ್ಸಪ್ ಕೂಡ ಅದೇ ರೀತಿ ಬೇರೊಂದು ನಂಬರ್ನಲ್ಲಿ ಆ್ಯಕ್ಟೀವ್ ಆಗಿದ್ದರೆ ಈಗಲೇ ಬದಲಿಸಿಕೊಳ್ಳಿ.. ಇಲ್ಲದಿದ್ರೆ ಕೊನೆ ದಿನ ಸಂಕಷ್ಟ ತರಬಹುದು.
