ಅಕ್ರಮ ಸಂಬಂಧ ಅನ್ನೋದು ಕಾನೂನು ಪ್ರಕಾರ ತಪ್ಪು ಅಲ್ಲದೇ ಇರಬಹುದು. ಆದರೆ ನೈತಿಕತೆಯ ಪ್ರಶ್ನೆ. ಕುಟುಂಬದ ಮರ್ಯಾದೆ ಅನ್ನೋದು ಕೊಲೆಗಾರನನ್ನಾಗಿ ಮಾಡಿಬಿಟ್ಟಿದೆ. ಬೆಳಗಾವಿಯ ಮುರುಳೀಧರ್ ಕಾಲೋನಿಯಲ್ಲಿ ವಿಜಯದಶಮಿ ಸಂಭ್ರಮ ಮನೆ ಮಾಡಿತ್ತು. 23 ವರ್ಷದ ಅಶ್ವಿನಿ ವಿಠ್ಠಲ ಹೆಗ್ಗಡೆ ಎಂಬಾಕೆಯ ಬದುಕು ರಕ್ತದ ಮಡುವಿನಲ್ಲಿ ಮಲಗಿತ್ತು. ಇದಕ್ಕೆ ಕಾರಣ ಆಕೆಯ ಗಂಡ ವಿಠಲ್‌ ತೆಗೆದುಕೊಂಡ ನಿರ್ಧಾರ. ಪೇಟಿಂಗ್ ಕೆಲಸ ಮಾಡ್ಕೊಂಡಿದ್ದ ವಿಠ್ಠಲ್, ಹೆಂಡತಿ ಪಾಲಿಗೆ ರಾಕ್ಷಸನಾಗಿದ್ದ.
ಅಕ್ರಮ ಸಂಬಂಧ ಶುರುವಾಗಲು ನಾನಾ ಕಾರಣಗಳು ಇರುತ್ತವೆ. ಇಬ್ಬರು ಮುದ್ದಾದ ಮಕ್ಕಳ ತಾಯಿಯ ಕಾಮದ ಅಮಲು ನೆತ್ತಿಗೇರಿತ್ತು. ಪ್ರಪಂಚವನ್ನೇ ಮರೆತು ಮೋಹದ ಬಲೆಯಲ್ಲಿ ಬಿದ್ದಿದ್ದ 23 ವರ್ಷದ ಅಶ್ವಿನಿಯದ್ದು ತಪ್ಪೋ..? 33 ವರ್ಷದ ವಿಠ್ಠಲ ಹೆಗ್ಗಡೆ ಕುಡಿದು ದಿನನಿತ್ಯ ಮನೆಯಲ್ಲಿ ರಾಮಾಯಣ ಮಾಡಿದ್ದು ತಪ್ಪೋ ಅನ್ನೋ ಗೊಂದಲ ಮೂಡುವಂತಹ ಸಂಸಾರ. 10 ವರ್ಷ ವ್ಯತ್ಯಾಸ, ಸಂಸಾರದಲ್ಲಿ ಹಿತವಿಲ್ಲದ ಹೆಣ್ಣು ಪರಪುರುಷನ ಮೋಹಕ್ಕೆ ಬಿದ್ದಿದ್ದಳು. ಇದೀಗ ಎರಡು ಮಕ್ಕಳ ತಾಯಿ ಬೀದಿ ಹೆಣವಾಗಿದ್ದಾಳೆ. ಪತ್ನಿಯ ಕಾಮದಾಟಕ್ಕೆ ರೊಚ್ಚಿಗೆದ್ದ ಗಂಡ ವಿಜಯದಶಮಿ ದಿನವೇ ಹೆಣ ಉರುಳಿಸಿದ್ದಾನೆ.
ದಿನನಿತ್ಯವೂ ಕುಡಿದು ಬಂದು ಕೊಡಬಾರದ ಕಿರುಕುಳ ಕೊಡ್ತಿದ್ದ ವಿಠ್ಠಲ್ ಹೆಗ್ಗಡೆಯನ್ನು ಹೆಂಡತಿ ಮಾನಸಿಕವಾಗಿ ದೂರ ಮಾಡಿದ್ದಳು. ಅಶ್ವಿನಿಗೆ ಪರಪುರುಷನ ಮೋಹ ಬೆಳೆಸಿದ್ದು ತಿಳಿದ ಗಂಡ ಹೆಡೆ ತುಳಿದ ನಾಗರ ಹಾವಿನಂತಾಗಿದ್ದ. ವಿಠ್ಠಲ ಹೆಗ್ಗಡೆ ತಂಡೆ ವಯೋಸಹಜವಾಗಿ ಹಾಸಿಗೆ ಹಿಡಿದಿದ್ದು, ಊಟ ಮಾಡಿಸುತ್ತಿದ್ದ ಪತ್ನಿಯನ್ನು ಅಪ್ಪನ ಎದುರಲ್ಲೇ ಕೊಚ್ಚಿ ಕೊಂದಿದ್ದಾನೆ. ಅನೈತಿಕ ಸಂಬಂಧ ಸಂಸಾರವನ್ನೇ ಸರ್ವನಾಶ ಮಾಡಿದೆ. ಅಮ್ಮ ಪ್ರಾಣವನ್ನೇ ಬಿಟ್ಟರೆ, ಅಪ್ಪ ಜೈಲು ಸೇರಿದ್ದಾನೆ. ಮಕ್ಕಳು ಅನಾಥರಾಗಿದ್ದಾರೆ.
