ಇರಾನ್ ವಿರುದ್ಧ ಸಮರ ಸಾರಿದ್ದ ವಿಶ್ವದ ದೊಡ್ಡಣ್ಣ ಅಮೆರಿಕ ಬೆನ್ನು ಮೂಳೆ ಮುರಿದುಕೊಂಡು ಜಗತ್ತಿನ ಎದುರು ಬೆತ್ತಲಾಗಿದೆ. ಮೋಸ್ಟ್ ಪವರ್ ಫುಲ್ ಅಸ್ತ್ರ ಎಂದೇ ಬಿಂಬಿತವಾಗಿದ್ದ ಅಮೆರಿಕದ F-35 ಯುದ್ಧ ವಿಮಾನವನ್ನು ಇರಾನ್ನ ಸೇನೆ ದಾಳಿ ಮಾಡಿ ಕೆಳಕ್ಕೆ ಬೀಳಿಸಿದೆ ಎನ್ನಲಾಗಿದೆ. ಆದರೆ ಅಮೆರಿಕ ಕಹಿ ಸತ್ಯವನ್ನು ಒಪ್ಪಿಕೊಳ್ಳಲು ತಿಣುಕಾಡುತ್ತಿದೆ. ಫೋರ್ಸ್ ಲ್ಯಾಂಡಿಗ್ ಆಗಿದೆ. ಪೈಲಟ್ ಸೇಫ್ ಆಗಿದ್ದಾರೆ. ಫೋರ್ಸ್ ಲ್ಯಾಂಡಿಂಗ್ಗೆ ಕಾರಣ ಏನು ಅನ್ನೋ ಬಗ್ಗೆ ತನಿಖೆ ಮಾಡುತ್ತಿದ್ದೇವೆ ಎಂದು ತೇಪೆ ಹಾಕುವ ಕೆಲಸ ಮಾಡಿದೆ.
ಮಧ್ಯಪ್ರಾಚ್ಯ ರಾಷ್ಟ್ರಗಳಲ್ಲಿ ಯುದ್ಧದ ತೀವ್ರತೆ ಹೆಚ್ಚುತ್ತಿರುವ ಈ ಸಮಯದಲ್ಲಿ ಜಪಾನ್ ಪ್ರಧಾನಿ ತಕಯೋಶಿ ಅಮೆರಿಕಕ್ಕೆ ಭೇಟಿ ನೀಡಿದ್ದಾರೆ. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಜೊತೆಗೆ ಮಾತುಕತೆ ನಡೆಸಲಿದ್ದಾರೆ. ಹರ್ಮೂಜ್ ಜಲಸಂಧಿ ತೆರವಿಗೆ ಮಿತ್ರ ರಾಷ್ಟ್ರಗಳು ಒಂದುಗೂಡಬೇಕು ಎಂದು ಡೊನಾಲ್ಡ್ ಟ್ರಂಪ್ ಕರೆ ನೀಡಿದ ಮರುದಿನವೇ ಜಪಾನ್ ಪ್ರಧಾನಿಯ ಈ ಭೇಟಿ ಕುತೂಹಲ ಮೂಡಿಸಿದೆ. ನಮಗೆ ಜಪಾನ್ನ ಹಿತ ಮುಖ್ಯವಾಗುತ್ತದೆ. ಆ ಬಗ್ಗೆ ಮಾತುಕತೆ ನಡೆಸುತ್ತೇವೆ ಎಂದು ತಕಯೋಶಿ ತಿಳಿಸಿದ್ದಾರೆ.
ಇಸ್ರೇಲ್ ಇರಾನ್ನ ಇಂಧನ ಸಂಸ್ಕರಣಾ ಘಟಕದ ಮೇಲೆ ದಾಳಿ ಮಾಡಿತ್ತು. ಆ ಬಳಿಕ ಕತಾರ್ನ ವಿಶ್ವದ ಅತಿ ದೊಡ್ಡ ಇಂಧನ ಸಂಸ್ಕರಣಾ ಘಟಕದ ಮೇಲೆ ಇರಾನ್ ದಾಳಿ ಮಾಡಿತ್ತು. ಆ ಬಳಿಕ ಕುವೈತ್ನ ಇಂಧನ ಸಂಸ್ಕರಣಾ ಘಟಕದ ಮೇಲೂ ದಾಳಿ ಮಾಡಿತ್ತು. ಇಸ್ರೇಲ್ನ ಹೈಫಾ ನಗರದ ಇಂಧನ ಸಂಸ್ಕರಣ ಘಟಕವನ್ನು ಗುರಿಯಾಗಿಸಿ ಡ್ರೋಣ್ ದಾಳಿ ಮಾಡಿತು. ಇದರಿಂದ ಕಂಗಾಲಾದ ಅಮೆರಿಕ ಇಂಧನ ಸಂಸ್ಕರಣಾ ಘಟಕಗಳು ನಮ್ಮ ಟಾರ್ಗೆಟ್ ಅಲ್ಲ. ನಾವು ಇಂಧನ ಸಂಸ್ಕರಣಾ ಘಟಕಗಳನ್ನು ನಾಶ ಮಾಡುವ ಉದ್ದೇಶವಿಲ್ಲ. ಇರಾನ್, ಇಸ್ರೇಲ್ ಎರಡೂ ದೇಶಗಳು ಇದನ್ನು ಮುಂದುವರಿಸುವುದು ಸರಿಯಲ್ಲ ಎನ್ನುವ ಎಚ್ಚರಿಕೆ ನೀಡಿತು.
ಇಷ್ಟೆಲ್ಲಾ ಬೆಳವಣಿಗೆ ನಡುವೆ ಹೊರ್ಮೂಜ್ ಜಲಸಂಧಿಯನ್ನು ಯಾರ ಹಿಡಿತದಲ್ಲೂ ಇಲ್ಲದಂತೆ ಬಿಡುಗಡೆ ಮಾಡಿಸುತ್ತೇನೆ ಎಂದು ಅಮೆರಿಕ ಹೇಳಿಕೊಡಿದೆ. ಇರಾನ್ ದಾಳಿ ಮಾಡುವ ಭೀತಿಯಿಂದ ವಿಶ್ವದ ಅನೇಕ ರಾಷ್ಟ್ರಗಳ ಹಡಗುಗಳು ಹೊರ್ಮುಜ್ ಜಲಸಂಧಿ ದಾಟಲು ಸಾಧ್ಯವಾಗದೆ ಸಂಕಷ್ಟಕ್ಕೆ ಸಿಲುಕಿವೆ. ಈ ಸಂಕಷ್ಟದ ಸಮಯದಲ್ಲಿ ಇರಾನ್ ಮಾಸ್ಟರ್ ಪ್ಲಾನ್ ಮಾಡಿದ್ದು, ಹರ್ಮೂಜ್ ಜಲಸಂಧಿಯಲ್ಲಿ ಟೋಲ್ ಸಂಗ್ರಹ ಮಾಡಲು ಹೊಸ ಕಾನೂನು ಜಾರಿ ಮಾಡಲು ನಿರ್ಧರಿಸಿದೆ. ಇರಾನ್ ಸಂಸತ್ನಲ್ಲಿ ಹೊಸ ಬಿಲ್ಗೆ ಒಪ್ಪಿಗೆ ಸಿಕ್ಕ ಬಳಿಕ ಹೊಸ ಕಾನೂನು ಜಾರಿಯಾಗುವ ಸಾಧ್ಯತೆಯಿದೆ. ಒಟ್ಟಾರೆ ಅಮೆರಿಕ ಹಾಗೂ ಇಸ್ರೇಲ್ ಮಾಡಿದ ತಂತ್ರಗಾರಿಕೆ ವಿಫಲವಾಗಿವೆ. ಇರಾನ್ ಮಾತ್ರ ಸಾವು ನೋವು ಸಂಭವಿಸಿದರೂ ದೀರ್ಘಕಾಲದ ಯುದ್ಧಕ್ಕೆ ನಾನು ಸಿದ್ಧ ಎಂದು ಎದೆಯುಬ್ಬಸಿ ನಿಂತಿದೆ.
